Urdu Poetry

ترے خیال میں اتروں گی میں وحی کی طرح

صلیب شب پہ ہوں مصلوب چاندنی کی طرح 

میں تیرگی کے مقابل ہوں روشنی کی طرح

گزار دی ہے تیرے در پہ زندگی میں نے

کسی کتاب میں رکھی ہوئی کلی کی طرح

تو کوئی بول ہے تار نفس پہ چھیڑا ہوا

جو میری روح میں گونجا ہے راگنی کی طرح

ابھی تو رات کے پہلو میں نیند باقی ہے

ابھی تو خود کو بجانا ہے بانسری کی طرح

یقین جانو عبادت سے کم نہیں ہوتا 

بشر بشر سے ملے جب بھی آدمی کی طرح

وفا کی لوح پہ لکھا ہوا صحیفہ ہوں 

ترے خیال میں اتروں گی میں وحی کی طرح

یہ کس مقام پہ لے آئیں چاہتیں ہم کو

کہ ان کہی بھی لگے اب تو آگہی کی طرح

~Dia~

Urdu Poetry