...
سمجھے گا ساز ہی
اک زخمہ ور کی بات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو چشم تر کی بات
یا ہمسفر کی بات
آ پھر سے چھیڑ لیں
اس رہگزر کی بات
رہ جائے گی دھری
سب زور و زر کی بات
رکھتی نہیں ہے لطف
بار دگر کی بات
محسوس تو کرو
دیوار و در کی بات
سنتی نہیں ہوا
سوکھے شجر کی بات
کیوں ٹالتا رہا
موسیٰ خضر کی بات
ممنوع در قفس
ہے بال و پر کی بات
تاریک رات میں
مت چھیڑ ڈر کی بات
محفل میں کیوں کریں
ہم اپنے گھر کی بات
سمجھے گا ساز ہی
اک زخمہ ور کی بات
سنتا ہے کارواں
کب راہبر کی بات
دل کو لگے بھلی
اک فتنہ گر کی بات
عارف کرے گا کون
اک مُزدَوَر کی بات
~ عارف نسیم فیضی ~
...
No comments:
Post a Comment